《不懂撒嬌的女人》大受歡迎，身為主角的黎諾懿、高海寧和唐詩詠早前放棄搵真銀機會做善事，為「麥當勞叔叔之家慈善獎券拍攝日」出任義工領袖拍攝宣傳照，順道探望一班病童。當日三名大細路跟小朋友打成一片，剛為人父的黎諾懿見到詩詠和高Ling表現，大讚兩人將來必定是個好媽媽。
三人已非首度去探訪，諾懿解釋，「我哋《愛•回家》成班演員組成咗個義工隊，成日都去探訪，高Ling以往都有嚟，所以咪建議我哋去同啲小朋友玩，阿娜（楊娜）仲專登整啲嘢畀小朋友食O添！」
帶囝囝做善事
當日所見，三人照顧小朋友都好熟手，特別是高Ling和詩詠，對小朋友細心又關懷，連剛為人父的諾懿都忍不住口花花話，「得啦！你哋應該會係好媽媽嚟，嫁得出啦！」問到有了囝囝後，諾懿見到病童有何感受？他說：「等『小春雞』大個啲，我就會帶佢嚟，參與多啲慈善活動，明白幸福唔係必然嘅。」
提到《不》劇成績好，三人都表現得好開心，演賤男的諾懿笑言：「好彩4年《愛•回家》個底打得好，大家唔會相信我係咁嘅人，同埋我有老婆做軍師唔怕出事嘅。」詩詠坦言成日做好女友做到悶，「都想試吓奸角或者變態角色。」外型性感的高Ling就澄清，「我應該係最唔識得撒嬌嗰個女仔嚟。」
三人已非首度去探訪，諾懿解釋，「我哋《愛•回家》成班演員組成咗個義工隊，成日都去探訪，高Ling以往都有嚟，所以咪建議我哋去同啲小朋友玩，阿娜（楊娜）仲專登整啲嘢畀小朋友食O添！」
帶囝囝做善事
當日所見，三人照顧小朋友都好熟手，特別是高Ling和詩詠，對小朋友細心又關懷，連剛為人父的諾懿都忍不住口花花話，「得啦！你哋應該會係好媽媽嚟，嫁得出啦！」問到有了囝囝後，諾懿見到病童有何感受？他說：「等『小春雞』大個啲，我就會帶佢嚟，參與多啲慈善活動，明白幸福唔係必然嘅。」
提到《不》劇成績好，三人都表現得好開心，演賤男的諾懿笑言：「好彩4年《愛•回家》個底打得好，大家唔會相信我係咁嘅人，同埋我有老婆做軍師唔怕出事嘅。」詩詠坦言成日做好女友做到悶，「都想試吓奸角或者變態角色。」外型性感的高Ling就澄清，「我應該係最唔識得撒嬌嗰個女仔嚟。」
