20120727
好似今日伦敦奥运开幕？我谂返四年前去睇奥运嘅情景，觉得时间过得真系快啊！嗰一年仲亲眼见到刘翔退赛……大家都觉得好可惜不过从嗰一刻开始明白、好多决定唔易做，一旦做出就要负责。呢一份重量唔系人人都可以承担嘅。
呢个城市突然间变得好亲切。可能你哋都唔知，呢个城市其实同你哋嘅家乡一样，系一个充满爱同温情嘅地方。可能好多人对佢有好深嘅误解。可能佢对于好多人嚟讲，印象都唔算好。除咗历史与特|权之外就冇乜嘢喇。可能对于你哋嚟讲，或许到今时今日都未嚟到呢个城市，都系睇电视睇报纸先了解到。但系嗰啲光辉或者阴暗同我哋老百姓都好遥远。我哋都系希冀平平安安咁过日子。如果呢个愿望收到自然或者人为嘅挑战，大家都会好团结咁企埋一起。好似sars嗰阵、好似前几日咁。好多事情都系自己亲身体验感受过之后先发现，原来以前自己忽略咗佢。恍然大悟之下，会唔会觉得自己有少少惭愧呢？


20120801 同学聚会中……手机打字真系唔多方便，返屋企再写日记喇

欠了好多债……今天电脑到货了。慢慢补。草稿读取中……
20120801-0802
今日大家出嚟唱K。你哋一定会问，大家都包括边啲人物吖？咁我话你哋知，大家=我哋班全部同学加埋班主任、文综老师。如果咁样几十个人行喺街度，浩浩汤汤都几壮观。冇错喇，我哋分咗几批到场噶。
由上昼10点开始。到下昼点几。呢一段时间，我哋嘅聚会，已经超越咗聚会本身嘅意义。或者，应该叫做团聚。三年以来，除咗军训、学农、上堂、考试之外，仲有几多机会可以聚埋一齐？三年以后，我哋大家又喺边？边个可以估得到？
提前都讲好喇，今日大家开开心心，玩得尽兴，饮（唔系酒，系果汁…a sir唔俾饮酒，唔系惊我哋醉得唔好睇，系唔想俾咁多钱啩？噗………）得痛快。边个都唔准伤感。咁多年来，除咗学习之外，我哋从未对任何嘢全心投入。从未对任何人全心投入。而家就投入一次。享受大家聚埋一齐嘅时光。
大家唱得都好好，尤其系班长吖，以前都冇觉得佢咁型嘅？把声好有穿透力，隔篱包房嘅学习委员都走过来一探究竟，跟住大大声咁话“哇！！你好嘢！深藏不露啊班长大人！唱多首喇！”系喇。边个估到佢可以发展成咁？或者，人都系有AB面嘅？ 平四就含蓄内敛， 而家就锋芒毕露喇！麦霸梗系宣委喇，一连唱6首，一啖水都冇饮就继续唱……仲拉埋我一齐唱《十分爱》……我话唔识唱，其他人就怂恿喇，“你不嫐都咁钟意邓丽欣，点会唔识？冇扮嘢喇！咁简单！” 冇计，由佢哋喇…… （内里典故略去……）或许咁样，大家相对一笑，可以释怀好多好多负重啩？嗯。理解万岁。大家都大个咗。我哋相信自己处理问题嘅方式。 我又同好姊妹唱咗一首twins嘅《我们的纪念册》，结果……大件事，十个有七个系度喊，另外三个默默不语……弊喇，之前话唔俾伤感嘅……今次带埋大家破戒喇……
如果话唔伤感，边个会信？呢个班集体已经融入到我哋嘅生活同生命之中。咁样一班人，一齐学习，一齐变大个，一齐奋斗过，一齐悲欢过。冇任何功利嘅色彩。高中生活唔系咁轻松，但系好彩入咗呢个班（虽然后尾出出入入搞得男女比例有啲失调），大家都好幸福。
班主任A sir.好多谢你咁多年嚟嘅帮助。我曾经叛逆过、鲁莽过、失礼过。你从来都唔会怪我。你教会我教育嘅意义。传道授业解惑。
各位老师。好多谢你哋咁落力帮我哋。虽然曾经，成个年级组都唔睇好我哋班嘅成绩，但系而家，边个都会赞我哋。
姊妹。兄弟。我哋唔奢求长相聚，只愿莫相忘。如果相忘都唔紧要，至少呢一刻，我哋都系度。
（这是回家后写的……木有逻辑思路……现在也懒得改了。准备改普语版日志。）

20120802-奥运会专栏
奥运会冇乜好睇，错漏百出，不睇一世后悔，睇咗后悔一世。一班需要运动嘅人睇住一班需要休息嘅人做运动。
（本嚟有好多点评。因为不够理性。全部略去。）

20120902
南方啲蚊真系犀利……坐系度个零钟俾佢哋叮咗成排红包……我只脚都肿喇！！好痕吖…… 拍都拍唔到！好烦……
奇怪喇，我嘅室友就冇乜事，好似啲蚊冇发现佢系度咁……唔通系血型问题？
今晚都唔知训唔训得到喇

20120908
今日睇到啲嘢，唔知点解，我突然间回忆起细细个个阵嘅事。 当年我乡下屋企附近有一间牛杂面铺头。 档主好勤力做嘢，自从接手摊位以后就好落力打理生意。但系个伙计就冇咁用心喇，初初都几好，但系慢慢就暴露出一啲恶习。档主成日闹佢“好吃懒做”“成事不足败事有余”“中饱私囊”“三分颜色上大红”“妹仔大过主人婆”之类……有一日我终于忍唔住问档主阿伯：“咁唔满意佢，点解唔炒咗佢吖？” 阿伯笑住答我：“你唔明嘅。 虽然佢唔可以令我满意，做嘢都麻麻地，但系而家，我仲请唔到第个帮手。如果有边个肯帮我手又叻过佢嘅，梗系好喇。既然请唔到人，咪用住佢先咯。费事请到个叉烧搞到执笠，咪弊过而家？本钱都收唔返喇！”
系吖。有时候我哋追求完美，但系搵到解决问题嘅最佳方式同埋执行人之前，如果贸然行动，或许最后嘅结果，仲差过之前。对于好多人嚟讲，小本生意或许唔系太复杂嘅事。但系对于档主嚟讲，系一家人嘅生计。稳食艰难。边个唔知吖？ 咁，如果更加复杂嘅嘢，系咪应该理性啲？

怒……吞我帖……
20120909
关于我哋学校图书馆嘅日记 我录咗音 唔想写多次文字喇 头先写咗一次唔见咗……



想试下贴吧新功能 果然可以删帖啦

20120905
或许拒绝系一门艺术。
我未学识。
我做唔到面面俱到。
对唔住。对唔住。对唔住。

20120919
我需要冷静一下。
冇嘢。冇嘢。

前日经已写好但未发出嚟。而家补返。
20121010
今日系一个好特别嘅日子，唔系因为ROC嘅牛一，系因为你今日牛一~唔好意思啊今日唔放假，唔系嘅话我考虑过去同你庆祝咯。不过……其实系咪都唔需要啊 有人陪住你啊嘛系咪先
虽然认识冇几耐 但系我觉得你应该系一个可以信任 好稳阵嘅人。所以呢、一切就拜托晒喇。你明嘅。
应承咗你嘅嘢。我会落力快快脆脆搞掂。但系你知噶喇，即刻忘记可能有难度。俾啲时间我。如果做唔到100percent忘记，我都会选择尘封。总之，或迟或早，有一日我会放低，彻底放低。
我仲应承咗你哋唱一首歌送俾你哋喔……呢几日喉咙痛唔唱得 第日补返喇……生日礼物都系第日补返 而家send啲嘢返大陆好鬼麻烦 都系我自己拎过去好啲。
你哋嗰度天气凉咗少少喇。就算系忙都要注意身体。唔好令佢担心你。
好喇。记得许愿。

20121111
光棍节嚟噶……冇悬念过节快乐~
之前仲喺高中同学面前晒命，话自己着短袖衫过立冬，点知呢几日就真系冻咗少少，又系我唔钟意嘅天气……好啱读《秋窗风雨夕》……算啦冇咁伤感啦。都系注意下身体咯。D药咁鬼难饮……唔该快D医好我……
我谂，我可以好快治愈自己。