嗯 我明嘅~今日走堂系屋企休息 阿嫲煮咗好多清淡嘅餸 佢仲话“鱼生火，肉生痰，窝头咸菜保平安”…好有禅意…咁都得嘅…………………

一起学最好喇~不过……那个……拜师的话 我拜了25楼了、、不然你也拜 咱们就是同门了 我也不介意做师妹 多个师哥师姐耍赖蛮好

会嘅~

20111124
今日好攰啊、、感恩节、、唔想讲嘢 感谢嘅说话全部存于内心 仅此而已。

http://fc.5sing.com/4831077.html
新录嘅歌仔。。浣姬才女嘅词。。边个可以帮我正下音啊~~

20111204 晏昼
呢一场雪。令我谂喺乡下个阵嘅光景。嗰一年嘅雪好靓，片片白雪落下好似天女散花咁壮观。奇喇，系咪因为个阵太细个唔知乜叫做“冻” 抑或系因为玩得几咁兴奋于是乎唔记得自己怕冻？ 但系我始终记得， 乡下嘅雪至白至靓，半月未化。
可惜京城嘅雪从来都系留唔住嘅。 因为佢不嫐都系全城脆弱交通嘅大敌。每次落少少雪，市政就好紧张，好担心积雪会令到交通塞滞，于是全城都可以见到除雪车好勤力咁行过每一条街。 嗰啲雪就系咁霎时间唔见咗喇。真系神奇。点解做其他嘢唔见咁嘅效率喔？
有啲记忆。会唔会好似雪花咁消失，不留痕迹？

20111211 晏昼
听闻下个月有好多假期，不过都系疍家鸡见水啫……几时可以放假吖 好希望可以有多啲时间睇书吖 好希望可以约埋老友睇电影啊 好希望可以返乡下啊 好希望可以去广州玩啊 咁多功课啊有冇啊！ 真系伤唔起，伤唔起啊！

20112114
今日考试，发挥得几好，本来心情大好，于是自唔然上嚟睇下。
睇下睇下就觉得心情好复杂 唔知讲乜好
约埋啲friend去睇失恋卅三天 有人睇过都话好好睇 我已经有好耐冇睇过戏 已经冇晒概念 乜叫做好睇 所以一啲都唔期待
系咁喇

多谢支持~

20111229 挨晚
今日落堂比较早，但系学校依然唔俾我哋开联欢会，唔俾我哋庆祝新年，其实都唔紧要，我哋自己喺内心度庆祝咪几好？哈哈~
以前大家过节都派贺卡，我都有份派贺卡，虽然我啲字唔系几好睇 但系全部都系我自己写嘅祝福、、、 我都有份收贺卡 入边写住嘅全部都系亲友同学嘅期许 百分之八十都同学业进步有关 睇嚟大家都好着紧学习成绩喔~
而家都唔派贺卡喇 派啲古灵精怪嘅礼物都几得意嘅 我钟意DIY 所以自己整嘅礼物最有意义噶喇 送俾女仔嘅就系一啲十字绣嘅作品喇 或者系自己整嘅毛绒公仔喇（都好细个啵） 最啱喇、、、 送俾男仔嘅就唔知喇 因为我哋班冇几个男仔 少数派 所以唔使理佢哋 哈哈、、（我实唔知佢哋钟意啲乜嘢喔） 以前就每个人都有礼物 今年冇咁多时间 好耐都不曾掂针线 所以呐 只有老友有份收礼喇！至贪心嘅就系班长大人喇 仲问我“可唔可以啲俾图纸我啊 我都想试下” 喂，考完试之后全部俾晒你都冇问题噶！而家嘛、、、我收埋喇~
好快就系本人嘅牛一、、唔知佢哋会俾啲乜礼物我、、期待下~我谂应该同旧年嘅唔一样啩

日期写错我穿越咗

20120128
好耐都冇嚟喇，唔知唔觉已经18岁喇，好快学校都有“成人仪式”，虽然只系一个程式，但都有意义嘅。大个女喇，为人处世待人接物都唔可以似以前咁任性，咁自私，多啲谂下其他人，咁先至对得起成年人呢个称呼啊嘛~
今次返乡下，啲老友全部搬走晒，以前嘅街坊个个都搵唔到喇。其实都应该估到嘅，就连呢个城市都改咗名。我不嫐都怕冻，今次真系冻亲我啊，已经惯咗有供暖嘅环境，突然间去到冇室内供暖嘅地方真系顶唔顺啊，忘本啊忘本……不过，乜嘢都变咗，只得一样嘢唔会变嘅，佢就系：
牛~杂~面~
好好食啊！
如果今后我搵唔到工嘅话就开一间食肆，专供牛杂面，最正最好味~

多谢指教
既然系“差唔多” 咁就唔系100%一样咯 都可以睇得出唔系最正嘅 我会继续努力~

20120219 夜晚
你有乜咁巴闭啊！攞咗一次高分噶啫。人哋信任你，问你借笔记就话从来都冇笔记，人哋好声好气请教你今日嘅功课，仲未讲完就闹人“好烦啊你，就算我知都唔会教你。”，有冇一啲礼貌吖？虽然唔系我亲身体验，我亦都好少闹人嘅，但系今日真系忍唔住闹你一声沙尘仔！
学习嘅过程本身就需要大家嘅交流，咁样先可以共同进步啊嘛。固步自封永远都只会保护落后。你历史咁叻，唔需要解释多次点解曾经自诩为天|朝|上|国嘅某朝最尾俾番鬼佬虾到死……巴鬼闭！


挖个坟……莫怪……
20120726
本嚟因为以后都唔会嚟发帖喇。但系觉得唔舍得。
毕业旅行去咗西藏。
我觉得嗰度系我至钟意嘅地方。
天高湖阔，一尘不染。好似整个人都净化咗。
如果你见到世界上最高嘅高原，至纯至净嘅雪，你有乜理由唔放低一切。
如果你见到啲朝圣者咁虔诚咁神心都只系为咗自己嘅信念，你有乜理由唔感动。
如果你可以品尝到青稞酥油糌粑。你有乜理由唔觉得美味。
呢度有世界上最令人向往嘅生存同死亡方式。一切都咁自然。
时间唔记得前行。记忆就停留系呢一刻。
你可以同雪山，同牦牛，同湖水，同稀薄嘅空气倾诉。
一切唔需要语言，双手合十，双眼紧闭就得噶喇。
听一首梵唱。或许不为参悟不为朝佛。只为心安。