一直都想开个帖，但是一直有各种顾虑。
毕竟高三了，上网时间不多的话，不能经常来，回来就挖坟，可能不太合适。
但是，还是决定有一方天地，或者留下自己的学习心得，或者用粤语写写自己的心情，或者共享一些学习资料，或者关注一下岭南文化……
首先摆个地址、、自己录歌的地址、、
现在还很少 有空就会唱
粤语歌居多 如有愿意帮忙正音的 小女子感激不尽
http://13112545.5sing.com/

http://fc.5sing.com/4585544.html
好钟意临水照花呢首歌 啲词写得好靓 特别系用粤语读出嚟 好有feel 可惜我发音唔标准、、、不过 第一次粤语念白 系咁喇

今日真系好开心啊~~行街个阵见到一对香港嘅夫妻系巴士站度睇地图 跟住就问我去乜乜公园点行 系用煲冬瓜问嘅 因为头先我听到佢哋讲粤语喇 所以就用麻麻地嘅粤语答佢哋“你哋可以讲返广东话喇 我识听少少 不过唔识讲” 佢哋话我讲得ok~跟住就话佢哋知点搭巴士（不过都系用普通话讲嘅、、因为我实系唔知啲地名点讲） 佢哋两公婆都几开心~~超有成就感喔、、其实原本唔想出街嘅、、不过因为好快到我friend嘅生日所以去睇下有乜礼物可以买返俾佢、、先至去行街嘅、、出便日日都好多人啊、、不过可以帮到人哋都系一种乐趣、、亦都系一种缘分嚟噶系咪啊~
2011-07-02 18:18


20110709 子夜
今日落堂之后返屋企，过马路个阵见到一个细路女话佢老豆：“阿爸，头先我哋行咗红灯喇！老师话唔可以咁噶！” 嗰个老豆呐就觉得冇乜所谓咁、、突然间觉得，千祈唔好睇低而家啲细路仔、细路女，好多时候啲大人真系及唔上啲细路喔、、、
我好似佢咁细个个阵仲系乡下、、都唔知乜叫做红灯、、、谂返以前嘅嘢先至发觉时间过得好快……

20110714 挨晚
有时觉得每日上堂都未必学得到嘢、、点解又要嘥时间返学啫？ 不过有时又觉得有机会读书真系好幸福噶喔、、如果生活系古代女仔都唔可以读书、、亦都唔可以出街，唔可以表达自己嘅诉求，唔可以拥有咁多权利，咪辛苦过而家？ 就算系今时今日，都有人读唔到书，返唔起学、、所以应该好珍惜呢个机会先啱嘅……
p.s.今日法国国庆、、、所以做历史功课先…


20110717 夜晚
今日俾人话我叛逆、、啱！我就系咁叛逆 ，我不嫐都系咁，点嘛？ 之不过谂法唔同啫、、、我都好希望可以做到求同存异，但系你有冇俾机会我啊？或者因为我一点话语权都冇？ 我都好尊重长者，我知你哋关心我、、我知你惊我老豆妈咪唔系度如果我出咗乜事你会顶唔顺、、、但系、、而家已经唔系咸丰朝喇！ 我识保护自己噶嘛、、、最锡我嘅阿嫲、、我已经唔系细路喇！

20110724 夜晚
原来绝对安全嘅地方系唔存在嘅、、以前搭飞机都好惊、、一方面系因为晕机 另外一方面系因为恐高 觉得飞咁高真系好危险、、、、但系而家睇嚟 火车都未必稳阵、、、唔通而家啲乜高铁乜动车都系有速度冇质素？
20110830 夜晚
好攰……可能因为前一排病咗啱啱好返冇几耐 每日返学都觉得好攰 心力交瘁、、会唔会系秋季疲劳症吖？或者系心理因素、、、我哋班主任话我钟意乱谂嘢、、好似真系咁嘅 谂下谂下就谂多咗、、、可能都要搵个合适嘅方式去表达 去释放自己嘅压力、、、
p.s.寻日真系好可惜、、、我嘅偶像未攞到金牌、、、根本唔系佢嘅错 唔公平！！超级唔公平！！不过对手都唔一定系有意咁做嘅 可能都系压力太大先至会咁做啩、、、可能啫~


20110907 子夜
今日下昼听闻乡下以前一个街坊哥哥车祸去咗嘅消息、、、忍唔住喊咗成个钟……
佢大过我七岁 系一个好男仔 以前佢住系我隔篱 我细细个个阵荡失路 我阿嫲不知所措嘅时候佢有帮手搵我 最后搵到我仲话“下次唔好乱走啊，知唔知啊，好得人惊噶！” 佢份人好成熟稳阵 读书又好叻 街坊邻里个个都赞佢 我都好希望自己有个咁样嘅亲生嘅大佬可以保护我 唔俾其他细路仔虾我
之后我去到北京就好少联络 跟住好似听讲佢考入武汉一间警|官学校 跟住毕业成为一名jc 系我至敬佩嘅职业嚟噶 因为可以俾安全感人哋 可以保护其他人 再之后就冇乜音信 今日收到消息竟然系咁嘅、、、、、初初都唔信，唔敢信，唔想去信，觉得系咪同名同音嘅搞错咗或者系其他乜原因误传消息 总之即系几震惊 几难过 都系度同自己讲“唔系真嘅” 其实知道系呃自己嘅 但系都唔想承认呢个事实 因为真系好难接受得到 旧年好端端嘅一个人 话冇就冇咗 即刻就喊出嚟 谂返佢以前俾我嘅印象 好似寻日都系度嘅 今日就唔见咗 以后都唔会见到、、、呢一种伤感唔知点可以表达出嚟 或许喊都喊唔出嚟
世人都话世事难料 世人都话人生无常 但系如果呢件事发生系边个身边都唔会咁释然啩、、、可能身边每一个人都好平常 好平凡 日日见到就好似二打六咁无足轻重 但系如果有一日佢唔见咗 先至会发现佢都好重要、、但系呢一刻嘅后知后觉 已经太迟太迟、、、、甚至都唔可以去送佢最后一程 其实无论做啲乜都于事无补 呢一刻觉得好无助 好惭愧 恍惚之间好似时光倒流 但系我哋都返唔到以前喇
珍惜呢两个字竟然可以如此沉重嘅、、对自己好啲 对屋企人好啲 对人哋好啲 因为好多时候我哋估唔到今后会发生啲乜 我哋都控制唔到 、、但系当佢真真正正发生咗之后 呢一种痛苦就好似攞住柄西瓜刀去切自己只手一样、、、
我阿嫲话 “真系好可惜啊！”世间又少咗一个好嘅jc 好嘅男仔 佢嘅事业啱啱起步 个天真系唔公平！凭乜嘢收返佢 凭乜嘢啊、、世间有咁多衰人你唔收 一定要收啲咁嘅好人先得噶？？ 俗语有话“好人不长寿，祸害活千年” 唔理你哋信唔信 反正我唔信！
我承认我自言自语 好似黐咗线、、但系除咗付诸文字 我冇其他办法。请见谅。


20111023 黄昏
咁多人问我点解咁钟意广州 咁钟意粤语 更有甚者直情我为咗乜乜人而钟意广东……
其实应该调转下 我唔会因为乜人好盲目咁钟意一个地方 唔会因为一个人嘅存在而觉得嗰度几好 但系 如果钟意一个地方 啱好嗰度有好特别嘅人 呢个城市就会变得更加可爱、、、
上个星期睇到一条新闻 突然间觉得、、、唔知点表达 、、唔可回避 因为某啲原因 但系 始终都要问下自己嘅谂法

路过撑场

我记得楼主。
学得好快啊，讲同写都唔错。。

加油啦 楼主 支持你

LZ唔系广州本地人黎? 睇唔出喔 几好 加油

唔该晒吧主，我都估唔到，竟然加咗精品~好开心O(∩_∩)O
RE12 -15 多谢晒你哋 如果冇你哋嘅支持帮助我谂我都唔会坚持咁耐
RE 16 我唔系广东人 我会继续俾心机学粤语嘅~